ఇకపై మహిళా డ్రైవర్లు ఆర్టీసీ (APSRTC) బస్సు స్టీరింగ్ పట్టబోతున్నారు…

 

  • ఏపీ ప్రభుత్వం మహిళలకు శుభవార్త చెప్పింది.
  • ఇకపై మహిళా డ్రైవర్లు ఆర్టీసీ (APSRTC) బస్సు స్టీరింగ్ పట్టబోతున్నారు.
  • ఏపీ ప్రభుత్వం ఆ దిశగా చర్యలు మొదలు పెట్టింది.

రాష్ట్ర సాంఘిక సంక్షేమ శాఖ అధికారులు రాష్ట్రంలోని ఎస్సీ మహిళలకు బస్సు డ్రైవర్లుగా శిక్షణ ఇచ్చేందుకు ప్రణాళికను సిద్ధం చేశారు. సాంఘిక సంక్షేమ శాఖ ద్వారా శిక్షణ పొందే అభ్యర్థులను ఎంపిక చేసేందుకు త్వరలో మార్గదర్శకాలను విడుదలకానున్నాయి. ఇప్పటికే 13 ఉమ్మడి జిల్లాల ఎస్సీ కార్పొరేషన్‌ ఈడీలకు ప్రాథమికంగా ఆదేశాలు ఇచ్చారు.

పదో తరగతి పాసైన వారు ఈ శిక్షణకు అర్హులుగా ఉంటారు. మహిళల నుంచి వచ్చిన దరఖాస్తులను పరిశీలించి నిబంధనల ప్రకారం అర్హులను ఎంపిక చేయనున్నారు. వీరికి ఉమ్మడి జిల్లాల్లోని అందుబాటులో ఉన్న ఆర్టీసీ డ్రైవింగ్‌ స్కూళ్లలో 32 రోజుల పాటు శిక్షణ ఇస్తారు. ఆర్టీసీ బస్సుపైనే శిక్షణ ఉంటుంది.. ఈ శిక్షణ ఇచ్చినందుకు ఆర్టీసీకి ఎస్సీ కార్పొరేషన్‌ ద్వారా  ప్రభుత్వం చెల్లింపులు చేస్తుంది. డ్రైవింగ్‌లో శిక్షణతో పాటు మహిళలకు హెవీ డ్రైవింగ్‌ లైసెన్స్‌ కూడా ఇస్తారు.

ఇలా శిక్షణ పూర్తి చేసుకున్న మహిళా అభ్యర్థులకు ఆర్టీసీలోనే డ్రైవర్‌గా పోస్టింగ్‌ ఇస్తారు. ఈ అభ్యర్థుల్లో అర్హత, నైపుణ్యాన్ని బట్టి తొలి దశలో ఆర్టీసీలో ఖాళీగా ఉన్న ఎస్సీ బ్యాక్‌లాగ్‌ పోస్టుల్లో నియమించేందుకు ప్రతిపాదించారు. అర్హుల ఎంపిక కోసం అవసరమైన ప్రక్రియను ఇప్పటికే ప్రారంభించామన్నారు మంత్రి మేరుగ నాగార్జున. ఎంపికైన ఎస్సీ మహిళలకు ఆర్టీసీ ద్వారా భారీ వాహనాల డ్రైవింగ్‌లో శిక్షణ ఇస్తామన్నారు. శిక్షణ పూర్తి చేసుకున్న మహిళలను తొలి దఫా ఆర్టీసీలో ఖాళీగా ఉన్న 310 ఎస్సీ బ్యాక్‌లాగ్‌ డ్రైవర్‌ పోస్టుల్లో నియమించేలా ప్రభుత్వానికి నివేదిస్తామని తెలిపారు.

Be the first to comment

Leave a Reply

Your email address will not be published.


*