జగన్ ఆశయాలను నెరవేర్చడానికి అధికారులు కష్టపడి పనిచేయాలి – మంత్రి విడదల రజిని

 

Vidadala Rajini: ముఖ్య‌మంత్రి వైఎస్ జగన్ మోహన్ రెడ్డి ఆశ‌యాలను నెర‌వేర్చాల్సిన బాధ్య‌త అధికారుల‌దేన‌ని.. వైద్య ఆరోగ్య‌శాఖ మంత్రి, విశాఖ‌ప‌ట్ట‌ణం జిల్లా ఇన్ చార్జి మంత్రి విడ‌ద‌ల ర‌జిని స్ప‌ష్టం చేశారు. విశాఖ జిల్లా గాజువాక (Gajuwaka) నియోజ‌క‌వ‌ర్గం అగ‌నంపూడిలోని సీహెచ్‌సీని మంత్రి విడ‌ద‌ల ర‌జిని శుక్ర‌వారం ప‌రిశీలించారు. 17 కోట్ల రూపాయ‌ల‌తో అంగ‌నంపూడిలో 100 ప‌డ‌క‌ల ప్ర‌భుత్వాస్ప‌త్రిని నిర్మిస్తున్నామ‌ని మంత్రి రజిని వెల్లడించారు.

జెన్‌వ‌ర్క్స్ సంస్థ అగ‌నంపూడి ఆస్ప‌త్రికి 25 లక్షల విలువైన క్యాన్స‌ర్ రోగ నిర్థార‌ణ యంత్రాల‌ను ఉచితంగా ఇచ్చింది. ఈ మిష‌న్ల‌ను మంత్రి విడదల రజిని (Vidadala Rajini) ఆస్ప‌త్రి సిబ్బందికి అంద‌జేశారు. సీఎస్ ఆర్ (CSR) కింద అన్ని సంస్థ‌లు ఇలా ప్ర‌భుత్వ ఆస్ప‌త్రుల‌కు యంత్రాల‌ను అంద‌జేస్తే.. పేద రోగుల‌కు మ‌రింత మెరుగైన వైద్య సేవ‌లు అందించే అవకాశం ఉంటుందని మంత్రి ర‌జిని వివరించారు.

అగ‌నంపూడిలోని సీహెచ్‌సీలో శానిటేష‌న్ సిబ్బంది త‌క్కువగా ఉండటంపై మంత్రి రజిని (Vidadala Rajini) ఆగ్రహం వ్యక్తం చేశారు. పనిచేసే వారి పేరు ఒక‌టి అయితే ఐడీ కార్డు మ‌రో పేరుతో ఉండ‌టం చూసి సీరియస్ అయ్యారు. స‌దరు ఏజెన్సీ సేవ‌లు నిలిపేయాల‌ని అధికారుల‌ను ఆదేశించారు. ఆస్ప‌త్రిలో అందుతున్న సేవ‌ల‌పై త‌న‌కు స‌మగ్ర నివేదిక కావాల‌ని స్పష్టం చేశారు. పేద‌ల‌కు ప్ర‌భుత్వం (AP Government) ఎంతో మేలు చేస్తుంద‌ని.. ప్ర‌భుత్వ ల‌క్ష్యాల‌కు అనుగుణంగా అంద‌రూ ప‌నిచేయాల‌ని మంత్రి ఆదేశించారు.

Be the first to comment

Leave a Reply

Your email address will not be published.


*