నదిలో కూలిన కేబుల్ బ్రిడ్జి.. గుజరాత్‌లో ఘోర ప్రమాదం…

 

గుజరాత్‌: ఈ ఘోర ప్రమాదం గుజరాత్‌లో చోటుచేసుకుంది. సందర్శకులు పెద్ద సంఖ్యలో నదిలో పడిపోయారు. ఈ ప్రమాదంలో ఇప్పటివరకు 60 మంది మృతి చెందినట్లు తెలుస్తోంది. ప్రమాదానికి సంబంధించిన సమాచారం అందుకున్న వెంటనే పోలీసులు, అధికారులు హుటాహుటిన ఘటనా స్థలానికి చేరుకొని సహాయక చర్యలు ప్రారంభించారు. 20 అంబులెన్స్‌లు అక్కడికి చేరుకున్నాయి. గాయపడిన వారిని ఆస్పత్రులకు తరలించారు. బాధితుల ఆహాకారాలతో ప్రమాదస్థలి హృదయవిదారకంగా ఉంది. ప్రమాదం నుంచి బయటపడిన వారు తమ వారి గురించి ఆందోళన చెందుతూ తల్లడిల్లుతున్నారు.
ఆదివారం (అక్టోబర్ 30) కావడంతో సందర్శకులు పెద్ద సంఖ్యలో వచ్చినట్లు తెలుస్తోంది. మచ్చూ నదిపై నిర్మించిన ఈ తీగల వంతెనపై 5 రోజుల కిందటే మరమ్మతు పనులు చేపట్టారు. ఇంతలోనే దుర్ఘటన జరగడం విమర్శలకు తావిస్తోంది. ప్రమాద సమయంలో వంతెనపై 400 మందికి పైగా ఉన్నట్లు తెలుస్తోంది. ఆదివారం సాయంత్రం 6.30 గంటల సమయంలో ఈ ప్రమాదం చోటు చేసుకున్నట్లు గుజరాత్ హోం మంత్రి తెలిపారు.

 

మృతుల కుటుంబాలకు రూ. 4 లక్షల చొప్పున, గాయపడిన వారికి రూ. 50,000 వేల చొప్పున నష్టపరిహారం అందజేస్తామని గుజరాత్ ముఖ్యమంత్రి భూపేంద్ర పటేల్ తెలిపారు. ‘మోర్బీలో వంతెనపై జరిగిన ఘోర ప్రమాదం (Tragedy) దిగ్భ్రాంతి కలిగించింది. సహాయక చర్యలు కొనసాగుతున్నాయి. జిల్లా అధికారులతో ఎప్పటికప్పుడు పరిస్థితిని సమీక్షిస్తున్నాను’ అని సీఎం భూపేంద్ర పటేల్ ట్వీట్ చేశారు.

Be the first to comment

Leave a Reply

Your email address will not be published.


*