సభ్యసమాజం తలదించుకునే దుర్మార్గమైన ఘటన-  కన్న తండ్రే సొంత కూతురిపై..!

 

  • ఓ దుర్మార్గుడు కన్న కూతురిపైనే అత్యాచారానికి ఒడిగట్టాడు.
  • కంటికి రెప్పలా కాపాడుకోవాల్సిన కన్న కూతురిపైనే పశువాంఛ తీర్చుకున్నాడు.
  • ముక్కుపచ్చలారని ఐదేళ్ల చిన్నారిపై కన్నతండ్రే ఈ ఘోరానికి ఒడిగట్టాడు.

విజయవాడ: పట్టణం లోని స్కూల్ ఆఫ్ ప్లానింగ్ అండ్ ఆర్కిటెక్చర్ కాలేజీతో పాటు వికాస్ ఇంజనీరింగ్ కాలేజీల్లో చినబాబు అనే వ్యక్తి పీడీగా పనిచేస్తున్నాడు. అతడు కొన్నేళ్ల క్రితమే ఓ యువతిని ప్రేమించి పెళ్లి చేసుకున్నాడు. ఈ దంపతులకు ఐదేళ్ల వయసున్న కూతురు సంతానం. అయితే, కామంతో కళ్లు మూసుకుపోయిన చినబాబు.. ఏ తండ్రీ చేయని నీచపు పనికి ఒడిగట్టాడు. కన్న కూతురిపైనే కన్నేసిన ఆ నీచుడు భార్య ఇంట్లో లేని సమయంలో చిన్నారిపై అత్యాచారానికి పాల్పడ్డాడు. ఈ అమానుషం తర్వాత చిన్నారి తీవ్ర బాధతో విలవిల్లాడిపోతుండటంతో తల్లికి అనుమానం వచ్చింది. తర్వాత, ఈ కీచక తండ్రిని నిలదీయడంతో అతడు చేసిన నీచపు పని బయటపడింది.

ప్రేమించి పెళ్లి చేసుకున్నవాడే కన్న కూతురిపై అఘాయిత్యానికి పాల్పడటాన్ని ఆ మహిళ జీర్ణించుకోలేకపోతోంది. భర్త అకృత్యంపై సదరు మహిళ దిశ పోలీసు స్టేషన్‌లో ఫిర్యాదు చేసింది. దీంతో ఆ తండ్రిపై పొక్సో చట్టం కింద పోలీసులు కేసు నమోదు చేశారు. తండ్రి చేతిలో లైంగిక దాడికి గురయిన చిన్నారి ప్రస్తుతం ఆస్పత్రిలో చికిత్స పొందుతోంది. అయితే భర్తపై పెట్టిన కేసును వెనక్కి తీసుకోవాలని చిన్నారి తల్లికి బెదిరింపులు ఎదురవుతున్నట్లు తెలుస్తోంది. అయినప్పటికీ ఆమె తన కూతురికి జరిగిన అన్యాయంపై న్యాయ పోరాటానికే సిద్ధమైనట్లు సమాచారం.

Be the first to comment

Leave a Reply

Your email address will not be published.


*